السلام عليكم ورحمه الله
مثل ما وعدناكم يا شباب طريقه التوسر بالصور والشرح
والتوسر هي عباره عن تبديل ريشه الموس التالف بالجناح بريشه سليمه من طير ثاني وبنفس ترتيب الريشه والجناح
:
:
:
هذي الريشه العاشره المكسوره بالجناح
:
:
صورة الريشه عقب ما قصيناها بموس فوق منبتها بنص سانتي تقريبا وقبل لا تقصها تأكد إن الريشه ناشفه ما فيها دم
:
:
صورة الريشه البديله اللي راح نركبها عقب ما قصرناها وشطفناها بالموس (شفره حاده) بحيث ما تشلخ قصبه الريشه الأصليه اللي وضحناها بالصوره الثانيه
:
:
ثبتنا الريشه البديله و وزناها عدل مع صفة ريش الجناح ولزقناها بصمغ قوي (اللي ينشف بسرعه) وبهالخطوه لابد تكون دقيق وتتأكد من تسكير الفراغ بين القصبه الي بصوره 2 و الريشه البديله والصمغ ما يحوش باقي الريش أو منبت الريشه الأصلي
:
:
وهذي الريشه عقب ما لزقناها وثبتناها بمكان التالفه وتعمدت تكون ريشه سوده علشان تكون واضحه وماتقولون بوسعود يخربط علينا
:
:
وهذي صورة الجناح والريشه واضحه وصافه عدل مع الريش الأصلي للطير
وإنشالله قدرت أفيدكم ووصل لكم المعلومه عدل
وسامحونا طولنا عليكم
